¤¤مطبخ ألاكاديميه¤¤

بس وريها لـ أم ضحى وهى بتقوم بالواجب عشان الخسارة حارة

المال سهل

المهم الحاجه تكون طاعمه

اها ان شاء الله طلعت طاعمة؟؟

سحر فكرتك جميله ,,سويسرول باللحمه ح تكون خطيره ,,ح اجربا اليوم باذن الله قاعده في البيت فااااايقه ومحتاره اعمل شنو ,,كنت ح اعمل صينيه مكرونه بالباشميل لكن ح اجرب وصفتك دي واوريك,,,ح اعمل معاها سلطه خضرا وسلطه روب شان سي السيد م ينقنق,,,عادتنا نحن السودانين بحبو كتره الصحون في الصينيه ,,,
ح اجرب واوريك راي

بالهنا يا ام ريتال ان شاءالله تعجبك وتعجب سي السيد
وبكرة ان شاء الله ح اكتب ليكم طريقة عمل الشاورما

سحر تسلم يدك طلعت ظابطه اضفت ليها جبنه بيتزا وفلفل اخضر لذييييذه
اها في انتظار الشاورما انا بحبها جدا بالذات شاورما الفراخ

نأسف على التأخير بس قلنا نجوعكم عشان تحبو الاكلة دى حتى لو ما سمحة

شاورما بيتية

المقادير:
نص كيلو شرائح لحمة رفيعة جداً
ربع كيلو شرائح بصل
2 كوب طماطم مكعبات
نص كوب خل
فلفل اخضر شرائح
توابل (حسب الرغبة)
توم
ملح
صلصة
سمن للطبخ

الطريقة:
يغسل اللحم ويتبل بالبهارات والخل والملح ويترك لأطول فترة ممكنة
يشوح البصل والتوم فى السمن حتى يصفر لونهما ثم يضاف الفلفل والطماطم بعد ان توضع فى الماء الساخن ثم البارد وتقشر
ثم يوضع اللحم وتصب الصلصة على اللحم وتترك فى نار هادئة حتى تنضج وتتسبك تماماً.

تسلم الايادي ياسحر

الله علي البامية المفروكة وياريت لو كانت بالقراصة ومعاها شطة خضرة مدقوقة ناعمة وصحن بصل

والله يا هديل يا بتى ده كلام جوع سااااااااااااااااى

يا جماعه عاوزين اكل بلدي بس(ما في داعي للفلهمه)

عصيدات وقراصات وكسره وحاجات تانيه حمياني

صديق محمدعلي كتب:

عصيدات وقراصات وكسره وحاجات تانيه حمياني

عيونا ليكم,,,انتو تامرو ونحن ننفز
اولا ازيكم وحشتونى جداجدا جدا,,,كنت مع برنامج الامتحانات,,,وبشكر السالو منى في الخاص واقول ليهم مانفقدكم في شينه

تسلم عيونكم اختي ام ريتال
بجد فقدناك كتير
انشاء الله بعد الغيبه دي تكوني امتحنتي كويس
(النتيجه كيف)
شكلك كده كنتي عاوزه تزوقي من العزومه بس
بجيب ناس الاكادميه كلهم وبنجي
العزومه قايمه ولا نطيتي

صديق محمدعلي كتب:

عصيدات وقراصات وكسره وحاجات تانيه حمياني

وفي اقتراح صغير يا ناس المطبخ {ناس المطبخ دي حلوه صاح}

عاوزين مع كل اكله بلديه تكون مرفقه معاها صور قبل الاكل وبعده (عشان نعرف اتا كلت ولا لا )

الصور مهمة
والقراصة اهم

وين انت يا ام ريتال
خليتي مطبخك فاتح وطلعتي

طالما خلوكم جوعانين كده ح اعمل ليكم حاجه قبل ما اطلع
‏ ‏
رايكم شنو في ملاح نعيميه بي عصيده(روب احمر)
كيلو زيادي
ملعقتين صاصه
ملعقتين دكوه
ملعقه بصله محمره ومفرومه
ملح
فلفل
توم
تلاته ملاعق كبيره دقيق قمح
الطريقه
في الخلاط تكبو الزبادي والدقيق والدكوه والملح وتخلطوهم
يلا في حله في النار تكبو شويه مويه قدر كاسه شاي وتكبو فيها البصله المحمره والصلصه والتوم لماتحسوها بدت تغلي يلا تكبو محتويات الخلاط شفتوهو ساهل كيف؟
وتبدو تحركو على طووووول لحد مايتقل ويصل القوام المطلوب في ناس بتعمل ليهو ويكه انا غايتو بخليهو كده
وبعوس العصيده
تختو شويه مويه في النار كاستين كبار مويه وتعجنو العجين متوسط ماسميك ولا رقيق لماتبدا المويه تغلي تكبو العجين وانتو بتحركو بالكنش(الكنش معروف طبعا ماف داعي للتوضيح) تغطوها زي خمسه دقايق وتاني تجو تحركوها وترجعو تقفلوها وتفضلو تحركو لحد ما العجين يفك من الحله بكده تكون نجضت تقطعوها في القالب
وبالهنا والشفا
,,
,,
,,
,الحلو او التحليه في الحاله دي شعيريه محمره بجوزهند وزبيب
تحمرو كيس او اتنين شعيريه وفي الوقت البتحمرو فيهو الشعيريه ختو مويه في النار فيها شويه ملح وقرفه او هبهان
بعد تخلصو من تحمير الشعيريه تكبوها في حله واااسعه وتكبو فيها المويه البتغلي(المويه تكون اكتر من الشعيريه بنص مقدار) يعني لو الشعيريه الحمرتوها ملت صحن تكبو فيها صحن ونص مويه مغليه
يلا تخلوها تبدا تتشرب مويتا دي وكبو معاها الزبيب
بعد تقرب تنشف من المويه طعموها بالسكر حسب الطعم
بعد تغرفوها في صحن التقديم رشوها بجوز هند او سمسم محمص
والف صحه وعافيه





,,
,,,,,,ام ريتال,,,

عادت ام ريتال وعاد المطبخ

عندى ليكم وجبة مباااااااااااااااااالغة

محمد جعفر كتب:

عندى ليكم وجبة مباااااااااااااااااالغة

,
,
ح تعملا متين؟في الانتظار,,
وقبل ماتجي وتكتبا
ح اسجل ليكم شويه حاجات لانو طولتا منكم

سلطه مشكله
حبه بازنجانه تقطع مكعبات صغيره وتحمر,,وبطاطس نفس حجم مكعبات البازنجان وتحمر,,كوسه تقطع مكغبات وتحمر,,تقطع تفاحه متوسطه مكعبات بنفس الحجم ولاااااتحمر تترك بدون تحمير,,تلاته ملاعق ذره حلوه ,,وتخلط كل المقادرير مع بعض وتخلط بملعقتين مايونيز واتنين كاتشب وملعقه مسترده وشويه ملح بسيييييط وتخلط كل المقادير مع بعض وتقدم وبالهنا والشفاء
,,
,
,
,