¤¤مطبخ ألاكاديميه¤¤

بأذن الله ح أسجل ليكم مقادير وطريقه عمل وصفات سهله وبسيطه ولذيييييذه
نبدا بالحلو
¤¤بسبوسه¤¤
المقادير
5أكواب سمولينا
كوبان سكر
2بيض دجاج
ملعقه كبيره باكنج باودر
ملعقه كبيره فانيليا
كبايه سمن
2كبايه زبادي
كبايه جوزهند
ملح
شربات (شيرا)
الطريقه
تخلط المقادير الجافه ثم نضيف السائله ثم تدخل الفرن في درجه180لمده 20أو25 دقيقه بعد ماتطلع تسقي بالشربات وهي ساخنه
تترك لتبرد وتقطع وتقدم
بالهنا والشفا

والعديد من الوصفات تتوالي

تحياتى يا ام ريتال
يعنى الواحد يطمئن انو حايبقى 100 كيلو فى العام الجديد

رايكم شنو في المفاريك

يا ام ريتال
المطبخ نارو بردت ليه
الدنيا شتاء

المطرة جاءت
الحقونا بصحن القراصة بالدمعة

النجدة يا ام ريتال

سلام
والله بس الامتحانات شاغلاني شويه كده
واي ست بيت بتقرا مفروض يعزروها ايام الامتحانات ولا شنو ي شباب

¤باميه مفروكه باللحمه الضاني¤
المقادير:
باميه مقدار سلطانيه متوسطه
نصف كيلو لحمه ضاني (سمينه)
بصل ٤متوسط الحجم
صودا خبايز(بيكربونات صوديوم) مقدارنص ملعقه صغيره
مكعب او٢مرقه دجاج (حسب الرغبه)
زيت
ملح حسب الطعم
كسبره مجففه مسحونه ناعمه مقدار ماعقه
حزمه شمار
الطريقه:
يقطع البصل ثم يضاف علي الزيت في النار يقلب بسيط ثم نضيف قليل من الماء+الملح+الكسبره+اللحم الضاني
نقطع الباميه حلقات متساويه ونضيفها الي الحله ثم نضيف المرقه اختياري
نتركا في النار لمده ثلث ساعه ثم نضيف الصودا وتترك ٥دقايق ثم تفرك بالمفراكه ويفرم الشبت ناعم ونضيفو للحله نتركا اقل من خمس دقايق ويطفي عليها النار




آها ي ابو ضحى قصرنا معاك وي العشي الباميه المفروكه دي بالقراصه رووووعه جربا


أ

ده كلام صاح

دابو الزول يخو ش المطبخ يا ام ريتال أصلو المفروكات يا ما أحلاها

السمك السمك السمك

يا أم ريتال إنتي حادة ما تدخلي المطبخ ده تاني وله القُفه تعبانه وله الحكايه شنو ؟

رمضان كرييييييييم
عمار القفه ماتعبانه بس كنت بطلب دليفري
لكن رجعنالكم وحاجات خفيفه لرمضان شوربات وسلطات مفيده للصائم

يا جماعة انا عريس
الاكل وين

ياخي العريس دة ما أكرمتية بي أي حاجة
وكل سنة والجميع بخير

[b]وينك ياست البيت .... الأكل الفي التلاجة كمل!!! اظهري واتحفينا بأكلاتك الجميلة

يا ام ريتال
الجوع كتلنا

ام ريتال

ازيكم
مطبخكم فاضى ليه
نمشى السوق يعنى

بالجد الجو هنا بارد جدا


الحقونا باي حاجه

بالعدم شاي ولقيمات

ليه تمشو السوق؟؟
وليه شاي بـ لقيمات بس فى البرد دة؟؟؟

هاكم دى وادونا رايكم
وبالهنا مقدماً

سويسرول اللحمة المفرومة:


المقادير:
عجينة بيتزا (2كباية كبيرة دقيق_ كباية شاى زيت_كباية كبيرة مويه_ بيضة_2ملعقة كبيرة لبن بدرة _ ملعقة صغيرة خميرة_ قليل من الملح)
نص كيلو لحم مفروم
بصلة مفرومة كبيرة
8 ملاعق زيت ذرة كبيرة
بيضة
ملح وفلفل حسب الرغبة

الطريقة:
1- يعصج اللحم بوضع 4 م ك زيت في الحلة وتوضع البصلة وتقلب حتى تذبل ويوضع عليه اللحم، ويقلب وتقلل النار من تحته حتى يخرج منه الماء ويتشربه، فيضاف الملح والفلفل الأسود ويظل على النار حتى يتشرب الماء تماما، ويترك ليبرد.
2- يفرد العجين على الترابيزة على شكل مستطيل بسُمك نص سم بحيث يكون طوله أمامك (أفقي) وعرضه ناحية يديك اليمنى واليسرى (رأسي)، ثم يوزع اللحم عليه كله ولكن بدون تكديس، ثم يلف العجين من ناحيتك (طول المستطيل) إلى الداخل حتى تحصلي على اسطوانة مثل السويسرول الحلو.
3- اقطعي الاسطوانة حلقات سمك الحلقة حوالي 7 سم ثم يوضع 4 م ك زيت في الصينية ثم توضع الحلقات في الصينية متباعدة نسبيا بحيث يكون ناحية اللحم في الأسفل والأعلى وتترك لتخمر.
4- بالفرشاة يمسح على وجه الحلقات في الصينية بالبيض.

الطبخ:
توضع الصينية في الفرن على درجة حرارة متوسطة حتى تحمر.
تقدم ساخنة

والله انتي كثر خيرك وطاب

لكن وصفتك اصبحت لي بها جغرافيا ورياضيات
شي مستطيل وشيء مربع

عموما

نوعدك بالتجربه وان فشلنا


الخساره عليك