كيف اسيبك كيف

كيف اسيبك كيف
وانت الشتاء و الصيف
وانت القمر وانت نوارة الخريف
بس اسيبك كيف
وانت البشوفك
يقعد ساعه وساعتين يقيف
ياقصه من زمن المحنه
ويالوعه للزول الكفيف
يامبشتنه الناس العزاز
يامحركه الشجن العفيف
قولي لي اسيبك كيف
وانت اعذب طيف
بس قولي لي اسيبك كيف
حدثيني وكلميني
وبعيونك علميني
احكي لي يا انيني . . .
عن حكاياتك . . .
متاهاتك . . .
سنيني . . .
وفي خيالك ارسميني
وجوه منك كونيني
وبخيوطك انسجيني
بين خصيلاتك ادفنيني
واكتبيني . . .
وتاني ارجعي امسحيني
مامهم لو تمسحيني
المهم تبقي عارفه انك انت
جوه مني وعايشه فيني
‏(م.عبدو)

الله يسلمك ياسحر ويديك العافيه يارب

تسلم ياحبيب ودا من ذوقك
لو مارجعتي لداري واحبابي حارجع لمنو؟ وكل تحاياك تصل بإذن الله