عش الغراب بالحمه

بسم الله الرحمن الرحيم
السلام عليكم

اليوم حاعمل ليكم احلى طبيخ
شدو حيلكم بس
عش الغراب بلحمه
وجبه مكونه ل6 افراد فقط
المقادير:
1/ 500 جرام عش غراب
2/ 250 جرام ربع لحمه {مع الحمه الما في دي ربع بس كفايه او حسب جيبك}
3/ معلقتين زبده(لو مافي ممكن زيت)
4/ معلقه كبيره دقيق
5/ بصله متوسطه الحجم -توم- ملح -خل -فلفل -مرقه
طريقه الاعداد:
1- يغسل عش الغراب ثم يجفف
2- يحمر البصل والتوم مع الزبده (او الزيت)
3- يقطع الحم قطع صغيره (ما تمشو تفرموهو وتفضحونا)
4- تضاف المرقه بعد 5 دقايق
5-تخلط الزبده والدقيق معا ويطهي مع الملح والفلفل ويقدم مع الخبز والسلطه والشطه الحضراء بالدكوه

وبالهنا والشهاء
عليكم الله اي زول خابي اعملها اعزمني معاهو وبجيب العيش والبارد

بالهناء يا صديق

انا بعملها بس ورينى عش الغراب دة بجيبو من وين؟؟؟

انا عارف فتشته وما لقيت
اخر حبه عملت ليكم بيها
ومن هنا بنقول لناس المنتدي هووووووووووووووووووووي فتشو معنا
ههههههههههههههه

عندي عش غراب,,,لكن اسم لنوع من الحلويات

ام ريتال كتب:

عندي عش غراب,,,لكن اسم لنوع من الحلويات

ههههههههه
شكرا ليك يا ام ريتال للمشاركه وربنا اديك العافيه

يلا هاكم مقادير وطريقه عش الغراب
شعيريه ملى اومهران,,كاسه سميد(سيمولينا)كاسه مويه,, كاسه زيت او سمنه,,كاسه جوزهند,,كاسه سكر,,٦ملاعق لبن بدره,,ملعقه ونص باكنج باودر,,,حليب مكثف(نسله)مقاس كبير
الطريقه,,تعجن كل المحتويات مع بعض عدا الحليب المكثف والشعيريه

بعد ماتعجن نكبها في صينيه ممسوحه بزيت على خفييف وترشو فوق ليها الشعيريه وتدخلوها الفرن لكن يكون شغال تحت بس بعد تحسو انها استوت تفتح الفرن فوق شان تاخد لون لانو الشعيريه بتنجض اسرع وبعد تطلع وهي سخنه تسقوها بالحليب المكثف ,,,رهييييييييبه بالهنا ليكم

تقدم بارده مع الشاي

معزره نسيت الملح,,,شويه ملح مع العجينه

اها يا صديق عش الغراب الاصلى ما لقيتو؟؟
ام ريتال شكلها لذيــــــــــــذة الاكله دى انا ح اجربا يوم الجمعة ان شاءالله

تسلمي يا ام ريتال شكلها ما صعبه نجرب ونوريك راينا

يــــــــــــــــــــــــــــــــا جــــــــــــــــــــــمــــــــــــــــــــاعــــــــــــــــه يوم الجمعه معزومين عند ناس ســـــــــــــــــــــحـــــــــــــــــــــر قالت حتعمل اكله ام ريتال
والدعوه عامه
ولا شنو يا سحر؟؟؟




ملحوظه:
متخافي ما بنجي فاضيين
هههههههههههه

صديق محمدعلي كتب:

تسلمي يا ام ريتال شكلها ما صعبه نجرب ونوريك راينا

يــــــــــــــــــــــــــــــــا جــــــــــــــــــــــمــــــــــــــــــــاعــــــــــــــــه يوم الجمعه معزومين عند ناس ســـــــــــــــــــــحـــــــــــــــــــــر قالت حتعمل اكله ام ريتال
والدعوه عامه
ولا شنو يا سحر؟؟؟




ملحوظه:
متخافي ما بنجي فاضيين
هههههههههههه

مع منو انت .. لكن عجبتنى الملحوظة

سحر ضاعفي الكميه واعملى لينا معاها سويسرول اللحمه المفرومه
ماتخافي صديق ماجاي فاضي
وانا ح اجيب ريتال وابوها بس

ام ريتال كتب:

سحر ضاعفي الكميه واعملى لينا معاها سويسرول اللحمه المفرومه
ماتخافي صديق ماجاي فاضي
وانا ح اجيب ريتال وابوها بس

يا ام ريتال اتكلمي عربي لو سمحتي
سويسرول ده شنو ؟؟؟
فهمتي حا جه ياسحر؟؟؟؟



ولا نا




يا سحر نجي ولا لالالالالا

ام ريتال كتب:

سحر ضاعفي الكميه واعملى لينا معاها سويسرول اللحمه المفرومه
ماتخافي صديق ماجاي فاضي
وانا ح اجيب ريتال وابوها بس

بس؟؟؟؟؟
يوم الجمعة دة مالو بقى لى كدة









لالا ياخ انتو تنورو والله

يا صديـــــق انت لسه بتسأل نجى ولا لأ بعد ما عملت لى دعوة عاااااامة والحاضر كلم الغايب





اى صحى سويسرول دة شنو

يا ام ريتال الحقيـــــــــــــــــــــــنا
سويسري ده شنو ????
يا جماعه مشينا وسحر ابت تفتح لينا الباب

خجلتنا عديل كده

رايكم شنو :
نحول الدعوه عد ناس ام ريتال

ولا شنو ؟؟؟

تشرفونا وتنورونا,,,,وتعال ويدك فاضيه


ح اعمل ليكم قراصه بالباميه المفروكه وصينيه مصقع بالباشميل وسلطه مايونيز وكفته بطاطس بالطحينه وح تحلو بعش الغراب ,
,
,
,‏ السويسري دا توب هههههه

يــــــــــاسحر شوفتي العزومه هنا كيف واحلي حاجه تعالو وايدكم فاضيه
ياجماعه:
والسويسري طلع توب

الله استرنا من الدموريه والدبلان
ام ريتال شكله كده حتاكلنا هدومنا

غايتو سحر التجيب البارد عشان نهضم بيهو تياب ام ريتال

اها ياجماعة الماشي عزومة ام ريتال يرفع يدو ،ـ، ولا مشيتو خليتونى؟؟

والبارد على منو قلتو؟؟ سحر دى منو؟ توب برضو ولا شنو ؟؟

يا صديق فى زول بمشي لناس بدق الباب دقة واحدة ويجري؟.. لما فتحت لقيتك مافى خجلتنى مع ناس البيت

سحر كتب:

اها ياجماعة الماشي عزومة ام ريتال يرفع يدو ،ـ، ولا مشيتو خليتونى؟؟

والبارد على منو قلتو؟؟ سحر دى منو؟ توب برضو ولا شنو ؟؟

يا صديق فى زول بمشي لناس بدق الباب دقة واحدة ويجري؟.. لما فتحت لقيتك مافى خجلتنى مع ناس البيت

مــــــــــــــــــــــــــــــــــاشين بس ام ريتال لو عملت زيك كده بنتلب بالحيطه
هــــــــــــــــو البارد عليك انت ممكنوع الزوغه

(يا ريت لو استيم )

يا أم ريتال خلى الباب فاتح من هسة ،، الحكاية جابت ليها تليب حيط



صديق قالو البارد ضار بالصحة
((موية الزير صحيه وخالية من المواد الحافظة بعبي ليكم 5 جركانات منها

yaser king كتب:

[center]مشكوور علي الوصفة الحلوة دي نجرب ونشوف[/c

enter]

منتظرين رايك

تحياتى يا صديق

صباح الخيرات
وكل سنه وانتو طيبين بمناسبه راس السنه
وعيد الحب
وعيد الام
وابريل
,,
,
غبتا طولتا بفتش لعش الغراب دا من السنه الفاتت